Tamam.az İstifadəçi Razılaşması

Ümumi Məlumat

Tamam.az Saytının bütün İstifadəçiləri üçün məcburi olan aşağıdakı müddəaları və şərtləri ilə tanış olmanızı xahiş edirik. Nəzərə alın ki, bu Saytdan istifadə etməklə, bu Razılaşmada qeyd olunan şərtlərlə razılaşırsınız.

1. Terminlər və təriflər

Tamam.az və ya Sayt – İnternet şəbəkəsində https://tamam.az/ (domenin bütün səviyyələri də daxil olmaqla) ünvanında yerləşən və Interfeysin proqram təminatı, məlumatlar və qrafik tərtibatı (dizaynı) toplusundan ibarət elektron səhifə.

Administrasiya – "Tamam" platforması.

İstifadəçilər – Saytdan istifadə edən İnternet şəbəkəsinin istifadəçiləri

Şəxsi kabinet – İstifadəçinin Saytdakı Şəxsi bölməsi

Giriş – İstifadəçiyə unikal identifikator təyin etməklə, Şəxsi kabinetə girişin təmin edilməsi prosesi

Şəxsi hesab – Saytda ödənişli xidmətlərdən faydalanmaq üçün istifadə oluna biləcək vəsait qalığının uçotu üçün hesab

Şəxsi məlumatlar – İstifadəçinin Sayta daxil olarkən və ya ondan istifadə edərkən özü haqqında müstəqil şəkildə təqdim etdiyi məlumat və ya məlumatlar toplusu, o cümlədən İstifadəçinin Saytdan istifadə prosesində də avtomatik olaraq Administrasiyaya ötürülən şəxsi məlumatları, İP-ünvanı, cookie-məlumatları, İstifadəçinin brauzeri haqqında məlumatlar və digər İstifadəçi məlumatları

Məlumat – İstifadəçi və ya Administrasiya tərəfindən Saytda yerləşdirilən istənilən məlumat

Spam – kütləvi, icazəsiz və/və ya istifadəçilərin gözləmədiyi reklam, məlumat, təbliğat xarakterli və ya digər poçt göndərişləri

Məhsul – İstifadəçinin Saytda yerləşdirdiyi hər hansı məhsul, xidmət və ya iş

Elan – İstifadəçi tərəfindən Saytda yerləşdirilmiş və qeyri-müəyyən sayda şəxslərə ünvanlanmış (əlaqə məlumatları, fotoşəkillər və hər hansı əlaqəli məlumatlar da daxil olmaqla) Məhsul haqqında təklif

Xidmətlər – Saytın İstifadəçiləri üçün funksional imkanlar

Paketlər – Kommersiya fəaliyyəti ilə məşğul olan İstifadəçilər üçün hazırlanmış və kommersiya baxımından sərfəli olan xidmətlər/bonuslar/endirimlər/elanlar toplusu

Bonuslar – Tamam.az saytında istifadə oluna bilən Şəxsi hesabdakı vəsaitlər

Qanunvericilik – Azərbaycan Respublikası ərazisində qüvvədə olan və tətbiq edilən qanunlar, fərmanlar, qərarlar, sərəncamlar, qaydalar, təlimatlar və digər normativ-hüquqi aktlar

2. Ümumi müddəalar

2.2. Bu Razılaşma Administrasiya və İstifadəçilər arasında münasibətləri tənzimləyir.

2.3. Bu Razılaşma İstifadəçilər tərəfindən Saytdan istifadə şərtlərini müəyyən edir.

2.4. Sayta giriş veb-səhifələrini açmasına imkan verən xüsusi proqram təminatı və ya Tamam mobil tətbiqi vasitəsilə təmin olunmuş vasitə.

2.5. Bu İstifadəçi Razılaşmasında istifadə edilən və 1-ci bənddə əks olunmayan hər hansı termin və anlayışlar Razılaşmanın mətnindən irəli gələn mənaya uyğun şərh ediləcək.

2.6. Saytın materiallarından və xidmətlərindən istifadəsi mövcud Qanunvericiliyin, habelə bu Razılaşmanın normaları ilə tənzimlənir.

2.7. İstifadəçi Saytın xidmətlərindən istifadə etməklə, bu Razılaşmaya qoşulur və Saytın xidmətlərindən istifadə qaydalarına əməl etmək üçün onun şərtlərini və öhdəliklərini qəbul edir.

2.8. Administrasiya istənilən vaxt bu Razılaşmanın şərtlərini birtərəfli qaydada dəyişdirmək hüququna malikdir.

2.9. Razılaşmanın yeni redaksiyası Saytda dərc edildiyi gündən etibarən qüvvəyə minir.

2.11. Digər İstifadəçiləri yanıltmaq, çaşdırmaq və ya aldatmaq niyyəti ilə başqa adamların, qrupların və ya təşkilatın adından hərəkət etmək qadağandır.

2.12. Administrasiya bu Razılaşmanın şərtlərini, habelə digər şəxslərin hüquqlarını və ya mövcud qanunvericiliyin müddəalarını pozan İstifadəçinin xidmətlərə çıxışını dayandırmaq və/və ya İstifadəçini bloklamaq hüququnu özündə saxlayır.

2.13. Saytın funksional imkanlarından istifadəsi məhdudlaşdırılmış İstifadəçinin Administrasiyanın icazəsi olmadan Saytdan yenidən istifadə etmək hüququ yoxdur.

3. Elan yerləşdirilməsi

3.1. Administrasiya xüsusi forma doldurulduqdan sonra, Administrasiya tərəfindən bloklanmış İstifadəçilər istisna olmaqla, bütün İstifadəçilərə Saytda Elanlar yerləşdirmək hüququ verir.

3.3. İstifadəçi Sayta daxil olmaq üçün təsdiqlənmə kodunu gizli saxlamağı öhdəsinə götürür.

3.5. İstifadəçi qanunvericiliyin və ya beynəlxalq hüququn pozulması sayıla biləcək hərəkətlərə yol verməməyi razılıq verir.

3.7. Administrasiya elanların məzmununa və digər resurslara keçidlərə görə məsuliyyət daşımır.

3.10. İstifadəçi Məhsul və onun satış şərtləri haqqında etibarlı və dolğun məlumat təqdim etməyi öhdəsinə götürür.

3.12. İstifadəçi elanlarda məlumatların yerləşdirilməsi üçün bütün lazımi hüquqlara sahib olduğunu təsdiqləyir.

3.17. Qüvvədə olan qanunvericiliyi pozan, ümumi qəbul edilmiş əxlaq normalarına zidd, təhqiredici və ya yersiz olan, həmçinin üçüncü şəxslərin hüquqlarını pozan elanların Saytda dərc edilməsi qadağandır.

3.17.1-13. Yalan, qeyri-dəqiq məlumatlar, dələduzluq, spam, virus tərkibli məlumatlar yerləşdirmək qadağandır.

3.17.14. Qumar oyunları, cinsi və ya açıq-saçıq məzmunlu və s. qadağan olunmuş materialları əks etdirən əlaqəli hər hansı məzmun qəti qadağandır. Qaydalara zidd elanlar aşkar edildikdə, Administrasiya tərəfindən əvvəlcədən xəbərdarlıq edilmədən həmin elanı platformadan silmək və İstifadəçini platformadan birdəfəlik kənarlaşdırmaq (bloklamaq) hüququ özündə saxlanılır.

3.18. Elanda digər internet-saytlarına keçidlər paylaşmaq qadağandır.

3.24. İstifadəçi qüvvədə olan qanunvericiliyə uyğun olaraq, elanların məzmununa görə tam və müstəsna məsuliyyət daşıyır.

4. Elanların irəlilətmə üzrə ödənişli xidmətlər & Ödəniş

4.1. İrəlilətmə üzrə ödənişli Xidmətlərin aktivləşdirilməsi həmin Xidmətlərə görə ödəniş etdiyiniz zaman baş verir. Ödənişli xidmətin məbləği geri qaytarılmır.

5.1. Saytda bütün qiymətlər ƏDV nəzərə alınmaqla göstərilmişdir.

5.4. Qanunu və ya bu Razılaşmanın şərtlərini pozan elanlar ləğv edilə bilər.

6. Şəxsi hesab və bonuslar

6.1. Əsas balans İstifadəçinin Şəxsi hesabında olan və Saytda mövcud olan üsullarla artırılan pul vəsaitidir.

6.4. Ödənişli xidmətlərin əldə edilməsi üçün bonuslardan istifadə edilə bilər.

6.13. Sayt qaydalarına riayət edilmədikdə və ya dələduzluq halı aşkarlandıqda Administrasiya bonusları ləğv etmək hüququna malikdir.

7. «Mesajlar» xidməti & Kommunikasiya

7.1. İstifadəçilər Saytda yerləşdirilmiş məhsulların müzakirə olunması üçün «Mesajlar» Xidmətindən istifadə edə bilərlər.

7.2. Administrasiya İstifadəçi Razılaşmasında əks olunan hüquq və öhdəliklərə riayət olunması üçün fərdi mesajları nəzərdən keçirmək hüququna malikdir.

8.1. Administrasiya İstifadəçilərə Saytın fəaliyyəti, bildirişlər və yeniliklər haqqında mesajlar göndərə bilər.

9. Saytın istifadə edilməsi

9.1. Administrasiya Saytın, domen adının və bütün proqram təminatının müstəsna sahibidir.

9.4. Administrasiyanın (Saytın) əqli mülkiyyətinin kopyalanması, paylanması və ya mənbə kodunun sındırılması qadağandır.

9.5. İstifadəçi Sayt infrastrukturunun həddindən artıq yüklənməsinə səbəb ola biləcək tədbirlər görməməyi öhdəsinə götürür.

10. Məsuliyyət məhdudiyyəti

10.5. Sayt Məhsulla bağlı əməliyyatların asanlaşdırılması üçün sadəcə bir vasitədir. Alış-veriş edərkən ehtiyatlı olun.

10.6. Sayt əməliyyatlar nəticəsində dəymiş zərərə görə birbaşa məsuliyyət daşımır.

10.10. Administrasiya Saytda yerləşdirilən elanların məzmununa və doğruluğuna görə məsuliyyət daşımır.

10.14. İstifadəçi ilə Saytın digər İstifadəçiləri arasında yaranan bütün mübahisələr Administrasiyanın iştirakı olmadan müstəqil həll edilir.

10.17. İstifadəçi qüvvədə olan qanunvericiliyə uyğun olaraq, hərəkət etməyi və Sayt xidmətlərindən istifadəsinə görə tam məsuliyyət daşımağı öhdəsinə götürür.

11. Şəxsi kabinetin ləğv edilməsi & 12. Digər şərtlər

11.1. İstifadəçi istənilən vaxt Saytdakı Şəxsi kabinetini ləğv etmək hüququna malikdir.

12.1. Bu Razılaşma Saytdan istifadə etməyə başladığı andan qüvvəyə minir.

12.2. Mübahisələr danışıqlar yolu ilə və ya qüvvədə olan qanunvericiliyə uyğun olaraq həll edilir.

12.3. Razılaşmaya edilən dəyişiklikləri qəbul etməyən İstifadəçi istənilən vaxt Saytdan istifadəni dayandırmaq hüququna malikdir.